Servizo de asistencia Sen Barreiras no Aeroporto de Vigo

En que consiste o servizo

Os aeroportos de Aena ofrécenche un servizo de asistencia para persoas con mobilidade reducida (PMR) ou discapacidade para facilitarche a túa estadía antes e despois do voo.

A quen está dirixido

Pasaxeiros cuxa mobilidade estea limitada por discapacidade física ou psíquica (sensorial ou locomotiva, permanente ou temporal), idade avanzada ou calquera causa de discapacidade que requira especial atención. O Servizo sen barreiras non é un servizo de garda e custodia. Lembra que para prestar o servizo é imprescindible que os seguintes pasaxeiros viaxan acompañados:

Menores
Persoas que non son autosuficientes (exemplo: persoas con alzhéimer...)

Como reservar

É necesario solicitar a asistencia polo menos 48 horas antes da saída do teu voo para garantir a calidade na prestación do servizo:

Ao facer a túa reserva ou adquirir o billete a través do teu axente de viaxes ou compañía aérea.*
Adicionalmente, a través da nosa web, da app oficial de Aena ou do teléfono (+34) 91 321 10 00 (válido exclusivamente nos aeroportos da rede de Aena).

*As aeroliñas poden establecer limitacións para transportar o teu equipo de mobilidade. Se viaxas coa túa propia cadeira/moto eléctrica, recomendámosche que consultes coa túa compañía aérea.

No aeroporto

Recoméndase acudir dúas horas e media antes da saída do voo*. Avisa da túa chegada no mostrador de facturación da túa aeroliña, no mostrador de asistencia PMR ou utilizando os monolitos, alí recollerémoste.

*O tempo mínimo para acudir ao punto de encontro é de dúas horas antes da saída do voo. Se o voo é a primeira hora consulta o horario de apertura da terminal.

Fai a túa reserva online ou por teléfono

(+34) 91 321 10 00

En horario de 7:00 a 00:00.

sinbarreras@aena.es

RESERVA A TÚA ASISTENCIA

No aeroporto de saída de Aena

Un asistente recollerate no punto de encontro que seleccionases, axudándoche coa túa equipaxe.

Acompañarate ao mostrador de facturación, e facilitarache os trámites necesarios para facturar.

Acompañarate á zona de embarque, pasando os controis pertinentes.

Embarcará no avión e deixarate no teu asento.

No aeroporto de chegada de Aena

Un asistente irá recollerte ao teu asento para realizar o desembarque do avión e axudarate coa equipaxe de man.

Se facturaras equipaxe, levarate á sala de recollida, pasando os controis necesarios, e dende alí, levarate ata un punto de encontro.

Nos tránsitos e conexións

Un asistente axudarate en todo o necesario para realizar con éxito o tránsito ou a conexión, incluíndo, se procede, manobras de embarque, desembarque, traslados pola terminal, etc.

Puntos de encontro

Tanto nos aeroportos de Aena coma no resto de aeroportos europeos existen puntos de encontro debidamente sinalizados tanto dentro coma fóra dos edificios terminais (aparcadoiro de vehículos, beirarrúa de chegadas, zona de facturación), nos que as persoas con discapacidade ou mobilidade reducida poderán, sen dificultade, anunciar a súa chegada ao aeroporto e solicitar asistencia.

Para asegurar un servizo de asistencia axeitado e de calidade no momento da súa chegada ao aeroporto, debes ter en conta o seguinte:

En caso de xestionar a solicitude de asistencia a través das canles dispostas por Aena, adicionalmente á comunicación efectuada á compañía aérea no momento de realizar a súa reserva, debes presentarte no punto de encontro concertado con Aena, á hora de cita fixada na túa solicitude ou co tempo de antelación requirido pola compañía aérea (naqueles casos nos que este tempo de antelación sexa máis restritivo e superior ao fixado na solicitude de asistencia de Aena) e avisar da túa chegada.
En caso de tramitar a túa solicitude unicamente a través da compañía aérea, debes dirixirte ao punto de encontro máis próximo, con tempo suficiente de antelación, e avisar da túa chegada. Se non se che fixou ningunha hora, debes presentarte polo menos dúas horas e media antes da hora de saída programada do teu voo.

Unha persoa do servizo de asistencia achegarase a buscarte e asistirate dende ese mesmo punto de encontro ata que esteas sentado no teu asento do avión.

Ao chegar ao teu destino acompañaráseche ao punto de encontro que decidas.

Puntos de encontro no Aeroporto da Vigo

Normas de calidade

Distinguindo os casos de existencia de preaviso dos de non, e os pasaxeiros de saída dos de chegada, estes son os tempos máximos de espera:

Tempo máximo de espera ata a asistencia en saídas con preaviso:

80 % de usuarios 10 minutos dende o aviso de chegada.
90 % de usuarios 20 minutos dende o aviso de chegada.
100 % de usuarios 30 minutos dende o aviso de chegada.

Tempo máximo de espera ata a asistencia en saídas sen preaviso:

80 % de usuarios 25 minutos dende o aviso de chegada.
90 % de usuarios 35 minutos dende o aviso de chegada.
100 % de usuarios 45 minutos dende o aviso de chegada.

Tempo máximo transcorrido ata a dispoñibilidade (*) do servizo en chegadas con preaviso:

80 % de usuarios 5 minutos dende a chegada (**) do avión.
90 % de usuarios 10 minutos dende a chegada (**) do avión.
100 % de usuarios 20 minutos dende a chegada (**) do avión.

Tempo máximo transcorrido ata a dispoñibilidade (*) do servizo en chegadas sen preaviso:

80 % de usuarios 25 minutos dende a chegada (**) do avión.
90 % de usuarios 35 minutos dende a chegada (**) do avión.
100 % de usuarios 45 minutos dende a chegada (**) do avión.

(*) Nota: para a dispoñibilidade, considérase hora en que o axente está presente na porta de embarque/avión.

(**) Nota: considérase hora de chegada do avión o momento de colocación de calzos nas rodas da aeronave á súa chegada ao posto de estacionamento, excepto se a solicitude de asistencia se realiza despois dese momento. Nese caso contabilizarase o tempo desde o momento no que se solicita o servizo.

Debe terse en conta que, segundo o Regulamento (CE) Nº 1107/2006 sobre os dereitos das persoas con discapacidade ou mobilidade reducida no transporte aéreo, o xestor aeroportuario debe asumir a responsabilidade de garantir a prestación do servizo sempre que a necesidade de asistencia se notifique polo menos 48 horas antes da saída do voo.

Reclamacións e suxestións

Se consideras que non recibiches o trato axeitado durante a asistencia prestada por Aena no aeroporto, e desexas reclamar, podes dirixirte ao portal telemático https://tramitesyreclamaciones.aena.es/gl/tramites-e-reclamacions.html ou facer uso das follas de reclamacións de Aena, que encontrarás nos mostradores de información dos aeroportos.

Se consideras que se che negou a reserva ou que se che denegou o embarque inxustificadamente, escribe unha carta de reclamación á compañía aérea, ao teu axente ou ao correspondente operador aéreo ou utiliza as follas de reclamacións que estas teñen á túa disposición.

Se non recibises contestación ou non obtiveses satisfacción á túa reclamación, poderás presentar a queixa correspondente ante a Axencia Estatal de Seguridade Aérea (AESA).

Se desexas facer calquera suxestión ou tes algunha consulta sobre o servizo de asistencia, podes dirixirte ao correo electrónico sinbarreras@aena.es.