Aparcadoiro de longa estancia do aeroporto Santiago-Rosalía de Castro

O aparcadoiro de longa estancia do aeroporto de Santiago-Rosalía de Castro é a mellor opción para estacionares o teu vehículo durante as túas vacacións ou viaxes de longa duración. Conecta coa terminal de pasaxeiros a través dun servizo de minibús gratuíto cunha frecuencia de paso de 15 minutos de 05:00 a 00:30 todos os días do ano e cuxo traxecto dura aproximadamente 5 minutos. Fóra deste horario, o acceso debe facerse a pé a través dun camiño non cuberto (20 minutos). As paradas do minibús atópanse dentro do aparcadoiro de longa estancia e no aparcadoiro express de chegadas.

O acceso ao aparcadoiro só é posible para estancias con reserva de pagamento previo de máis de cinco días de duración agás que a entrada sexa de xoves a domingo, en cuxo caso a duración mínima será de 2 días. Só está permitido o pagamento con tarxeta neste aparcadoiro.