Mapari buruzko ohiko galderak

Informazio gehiago
Zer nolako informazioa kontsulta dezakezu Bilboko aireportuko WebTrak sisteman?
Igo

WebTrak sistemak Bilboko aireportuko hegaldiei buruzko informazioa ematen du: hegaldi-zenbakia, hegazkin mota, altitudea eta ibilbidea.

Nondik hartzen du WebTrak-ek informazioa?
Igo

Aplikazioak Torrejón-en (Madril) kokatuta dagoen Aireko Trafikoa Kontrolatzeko Zentroak (ACC) emandako radarretako eta hegaldi-planetako datuak erabiltzen ditu, bai eta aireportuaren inguruko udalerrietan dauden Zarata Monitorizatzeko Terminaletako (TMR) zaratari buruzko datuak ere, eta eremu horretako kartografian erakusten ditu.

Fidagarria da WebTrak-ak ematen duen informazioa?
Igo

Informazioa guztiz fidagarria da. TMRak urtero aztertzen dira laborategi ofizial batean, Metrologiari eta Ikuskapen Teknikoari buruzko irailaren 25eko ITC/2845/2007 Legean xedatutakoa betez. Horrez gain, metrologiari buruzko legeak xedatutakoa betez, TMR guztiei probak egin zaizkie, eta Ereduaren Onarpen-agiria eskuratu dute Espainian. Halaber, TMR guztiak egunero egiaztatzen dira, baimendutako prozedura teknikoen bidez; hala, neurketen zehaztasuna bermatzen da.

Informazioa “denbora errealean” lortzen da edo badago atzerapenik?
Igo

Segurtasun-arrazoiak direla eta, ibilbideei buruzko informazioak 30 minutuko atzerapena du. Zarata-mailari eta zarata hori eragin duten aireontziei buruzko informazioa 24 ordu igaro ondoren eskura daiteke.

Zein da WebTrak-en kontsultatu ahal den denbora-tartea?
Igo

60 eguneko denbora-tarteko datu historikoak kontsultatu ahal dira.

Zer esan nahi dute aireontzien kolore berdeak eta gorriak?
Igo

Aireratzeak berdez ageri dira, eta lurreratzeak, berriz, gorriz; erreferentzia-puntua Bilboko aireportua da beti.

Zein da WebTrak-en irismen geografikoa?
Igo

Irteera edo helmuga Bilboko aireportua duten eta 20.000 oin (6.096 m) baino gutxiagoko altitudean ibiltzen diren aireontziak erakusten dira, betiere aireportua erdigunean duen 100 x 100 km-ko eremu errektangularrean badaude.

Zer nolako baldintza teknikoak bete behar ditu erabiltzailearen ordenagailuak WebTrak erabili ahal izateko?
Igo

WebTrak erabili ahal izateko, ordenagailuak instalatuta izan behar du Adobe Flash Player programaren azken bertsioa. Eta, horrez gain, ezaugarri hauek izan behar ditu:

  • Windows 98 edo sistema eragile berriagoa.
  • 128 MB-ko RAM memoria (256 MB gomendatzen da).
  • 500 MHz-ko prozesadorea (1 GHz-koa gomendatzen da).

WebTrak aplikazioaren funtzionamenduari buruzko galderak ditut. Norekin jar naiteke harremanetan?
Igo

Tresnari buruzko iruzkinen bat egiteko edo gorabehera tekniko baten berri emateko, bidali mezua posta elektroniko honetara: WebTrakBIO@emsbk.com.

Arazo teknikoak direla eta, ezin dut WebTrak erabili, edo aplikazioaren funtzionamenduari buruzko kontsulta egin nahi dut. Norekin jar naiteke harremanetan?
Igo

WebTrak erabiltzeko arazoak badituzu eta tresnari buruzko iruzkinen bat egin edo gorabehera tekniko baten berri eman nahi baduzu, mesedez, idatzi posta elektroniko honetara: WebTrakBIO@emsbk.com.

Kexa edo erreklamazioa aurkeztu nahi dut. Nola egin ahal dut?
Igo

WebTrak aplikazioaren bidez egin dezakezu. Horretarako, sakatu zure kexarekin lotura duen aireontziaren ikonoa. Menu tolesgarrian, sakatu kexa erregistratzeko botoia eta bete formularioan eskatzen zaizkizun datuak.

Kexa orokor bat ere erregistratu ahal duzu; horretarako, bete "Ikertu" "Nola” erlaitzean dagoen formularioa.