Bilboko Aireportuko zerbitzuak

Hemen aurkituko dituzu aireportuko zerbitzu guztiak

Irteera-gunea

IRTEERA-GUNEA

Fakturazioa

Erregistratze-mahaiak goiko solairuan daude.

Joan zaitez bertara denbora nahikoarekin, ustekabekorik ez izateko. Schengen gune barruko helburua duten hegaldien kasuan, irteera programatutako ordua baino ordu erdi lehenago egotea gomendatzen dizugu; Schengen gunetik kanpoko helmuga dutenen kasuan, aldiz, hiru ordu lehenago. Bidaiarien terminala 5:00etan irekiko da eta 24:00etan itxiko da astelehenetik igandera.

Aire-konpainia gehienek beren webguneen bidez, aireportura joan aurretik, online check-in-a egiteko aukera ematen dute. Hegazkinera igotzeko txartela lortuko duzu eta zuzenean segurtasun filtroetatik igaro ahal izango zara soilik eskuko ekipajea baldin badaramazu.

Gogoratu bidaiako dokumentu guztiak inprimatu behar dituzula (txartel elektronikoa, hegazkinera igotzeko txartela, etab.). Kontuan hartu konpainia batzuek errekargua aplikatzen dutela aireportuan hegazkinera igotzeko txartela berriro igortzeagatik.

Online fakturazio mugikorrarekin check-in-a egin eta hegazkinera igotzeko txartela jaso dezakezu zure terminal mugikorrean, posta elektronikoz, SMS bidez edo gailu mugikorretarako aplikazioen bidez. Fakturatu behar ez baduzu, zuzenean segurtasun kontrolera joan zaitezke.

IRTEERA-GUNEA

Segurtasun-kontrola

Bidaiari guztiek segurtasun kontrola igaro behar dute hegazkinera igotzeko eremuan sartzeko, metalak detektatzen dituen arkutik igaroz, eta eskuko ekipajea eta berekin daramatzaten gainerako objektuak ere (berokiak, jakak, mugikorrak, giltzak) X-izpien ekipo batetik pasatuz.

Segurtasun kontrola igaro aurretik, bidaiariari bere hegazkinera igotzeko txartela eskatuko zaio.

Objektuak eskanerretik errazago igarotzeko, bereziki artikulu txikien kasuan, erabiltzaileek erretilu bereziak eskura ditzakete.

IRTEERA-GUNEA

Pasaporte-kontrola

Zure hegaldiaren helburua Schengen eremutik kanpoko herrialde bat bada, dokumentazio kontrola igaro beharko duzu.

Bidaiatzeko oinarrizko dokumentua pasaportea da, nahiz eta herrialde batzuetara bidaiatzeko NANa nahikoa den. Zenbait herrialdek beste agiri batzuk ere eskatzen dituzte: bisa, txertoen ziurtagiria, iritsiera data baino gutxienez 6 hilabete geroago iraungitzen den pasaportea, etab. Kontsulta ezazu zure konpainian.

IRTEERA-GUNEA

HEGAZKINERA IGOTZEA

Segurtasun kontrola gainditu ondoren, bila ezazu aireportuko pantailetan hegazkinera igotzeko zure atea zein den. Zain zauden bitartean, denda eta jatetxe aukera zabala duzu eskura. Hegazkinera igotzeko ateak solairuartean (pasabide teleskopikoak) eta beheko solairuan (urrutitik hegazkinera igotzeko) daude.

Hegazkinera igotzeko atean, nor zaren egiaztatzeko dokumentazioa erakutsi beharko diezu konpainiako langileei. Halaber, kontsultatu zure konpainian bertako langileei zer dokumentazio aurkeztu behar zaien.